Pam ymuno â CThEF fel Uwch Was Sifil?

"Mae CThEF yn mynd trwy gyfnod cyffrous wrth i ni ymgymryd â gweddnewidiad mawr i foderneiddio ein gwasanaethau i’n cwsmeriaid. Rydym yn darparu gwasanaethau digidol arloesol, a fydd yn effeithio ar ein holl gwsmeriaid a’n cydweithwyr. Dim ond gyda chymorth a chefnogaeth ein staff y gallwn gyflawni hyn.

Rydym yn cynnig gwaith heriol a diddorol, yn ogystal â gyrfaoedd boddhaus, gwerth chweil. Rydym yn gwerthfawrogi ystod amrywiol o bobl ac yn sicrhau bod pob cydweithiwr yn CThEF yn gweithio mewn amgylchedd cwbl gynhwysol, lle maent yn teimlo eu bod yn cael eu parchu ac yn ddiogel i godi llais os oes angen. Mae hon yn flaenoriaeth allweddol i CThEF, a chyfrifoldeb pawb yw cyfrannu ati."

Jim Harra – Prif Weithredwr a Phrif Ysgrifennydd Parhaol

Yn CThEF, rydym wedi ymrwymo i greu lle gwych i weithio. Sefydliad amrywiol, cynhwysol a bywiog, lle mae pawb yn cael cymorth a’u gwerthfawrogi.

Mae safbwyntiau a phrofiadau amrywiol yn hanfodol i benderfyniadau gwell a datrys problemau; helpu i ddarparu gwasanaeth modern effeithiol i’n cwsmeriaid. Mae’n hanfodol sicrhau ein bod yn tynnu ar yr ystod ehangaf bosibl o safbwyntiau a phrofiadau ac yn meithrin. 

Mae ein hamcanion cydraddoldeb CThEF 2020-2024 yn disgrifio sut rydym yn gweithio i ddod yn sefydliad mwy cynhwysol a chynrychioliadol sy’n adlewyrchu ein gwerthoedd.