Beth am ofyn i rywun yn CThEF sut brofiad yw gweithio yma?
Ymunwch â’r drafodaeth a siaradwch â’n tîm am fywyd yn CThEF
Rydym yn byw ein gwerthoedd
Yn CThEF ein gwerthoedd yw proffesiynoldeb, uniondeb, parch ac arloesedd. Rydym yn gwrando ar ein pobl ac yn ymrwymo i fod yn deg. Rydyn ni’n garedig ac yn ddynol. Rydyn ni’n cynnwys pobl, beth bynnag yw’r gwahaniaeth. Rydym yn gweithio ar y cyd. Rydyn ni’n cael sgyrsiau onest.
Mae ein gwerthoedd a’n hymrwymiadau yn ein helpu i adeiladu gweithlu y gallwn fod yn falch ohono sy’n rhoi hyder i ni ein bod yn rhoi’r gwasanaeth gorau i’n cwsmeriaid.
Gweithio hyblyg
Rydym am i chi gael cydbwysedd gwych rhwng bywyd a gwaith, felly yn y rhan fwyaf o achosion cewch gyfle i weithio gartref am o leiaf 2 ddiwrnod yr wythnos. Rydym hefyd yn caniatáu amseroedd dechrau a gorffen hyblyg, a phatrymau gwaith amgen.
Breintiau gwyliau blynyddol ac arbennig
Mwynhewch 25 diwrnod o wyliau blynyddol, gan gynyddu 1 diwrnod ar gyfer pob blwyddyn o wasanaeth hyd at 30 diwrnod. Rydym hefyd yn cynnig absenoldeb mamolaeth, tadolaeth, mabwysiadu a rhieni hael, yn ogystal â thâl arbennig ac absenoldeb di-dâl.
Cynllun pensiwn
Fel cyflogai CThEF, byddwch yn cael eich cofrestru yng Nghynllun Pensiwn Gwasanaeth Sifil. Bydd cyfraniadau ein cyflogwr yn helpu’ch ymddeoliad i fod yn fwy cyfforddus, o’i gymharu â rhai pensiynau yn y sector preifat.
Amgylchedd cynhwysol
Yn CThEF, mae gennym nifer o Rwydweithiau Amrywiaeth Staff y gallwch ymuno â nhw. Mae’r rhain yn cynnwys hil, rhyw, anabledd, LGBT+, gofalwyr, symudedd cymdeithasol a gwladolion yr UE, ac mae gennym grwpiau arbenigol ar gyfer oedran a chrefydd neu gredoau.
Cyfleoedd datblygu a chynnydd
Beth bynnag yw’ch nodau gyrfa, rydym am i chi eu cyrraedd. Dyna pam rydym yn cynnig ystod o offer dysgu a datblygu sydd wedi’u cynllunio i’ch helpu i adeiladu’ch gyrfa ar draws y Gwasanaeth Sifil.
Am wybod rhagor?
I gael rhagor o wybodaeth am fuddion gweithio yn CThEf, edrychwch ar ein llawlyfr.
